Të falet Xhensila, por më e kujdesshme herën tjetër!

Para disa ditësh Xhensila Myrtezaj festoi ditëlindjen duke mbushur kështu 25 vjeç. Një festë me njerëzit e saj të zemrës, e organizuar nga bashkëshorti i saj Besart Kallaku i cili meriton duartrokitje për surprizat që kishte përgatitur për partneren e saj të zemrës. Çdo gjë dukej perfekte, ambienti, muzika dhe pozitiviteteti që rrezatonin çifti në fjalë.

Gjatë festës dhe pas saj Xhensila ka publikuar një seri fotosh e videosh ku ka treguar momentet e saj më të bukura, por edhe dhuratat që ka marrë.

Mirëpo në një foto që ka ndarë me ndjekësit e saj në Instagram, Xhensila ka bërë një gafë të vogël. Ajo publikoi një foto teksa mbante barkun e rrumbullakosur me dorë dhe dhe shfaqej mes shumë tullumbaceve, por gaboi në një nga hashtagjet që kishte përdorur.

Në vend se ta shkruante “#25birthday”, me siguri në nxitim e sipër e ka shkruajtur “25berthday”.

Ka disa fansa që e kanë vënë re këtë gabim të vogël, por pjesa më e madhe e tyre i kanë shprehur urimet Xhensilës. Më pas Xhensila e kuptoi gabimin dhe e rregulloi atë.

Gëzuar 25 vjetorin , 7 vjetorin e fejesës dhe 7 muajt e shtatzënisë!

Leave a Reply

Your email address will not be published. Required fields are marked *