Një djalë shkodran dashuron një vajzë më të madhe në moshë, por për këtë lidhje familja e djalit është vënë pengesë e madhe. Djali thotë se vajzën e dashuron, por nga ana tjetër e ëma kërkon që ai të largohet prej saj. Kjo është historia e rrëfyer.

“Jam një 24-vjeçar nga Shiroka dhe jam marrëzisht i dashuruar me një kolege të punës që është 11 vite më e madhe se unë.

Nuk e tregon hiq moshën, madje duket edhe më e re se unë në paraqitjen e jashtme.

Ajo ka qenë njëherë e martuar, por ai tipi nuk bënte për këtë dhe janë ndarë. Fëmijë nuk kanë.

Normal këtë histori e dinë njerëzit që e njohin dhe më njohin, por unë nuk e kam problem. Unë e dashuroj atë dhe e vlerësoj si njeri dhe për mua kaq mjafton, e shkuara është e shkuar.

Por problem tani është vetëm familja ime.

Babi nuk do, por nuk është se bën potere.

Kurse nana është shumë keq që kur e ka marrë vesh. E para nuk e duron dot që ka qenë e martuar, e dyta më e keqja thotë mosha.

Një ditë më tha që po e vdes për së gjalli, po ja marr shpirtin. Nëse nuk ndahem prej saj më thotë të harroj që kam nanë.

Por unë e dua dhe nana duhet ta njohë njëherë para se ta gjykojë.

Sherri sherr në shtëpinë tonë, çfarë t’ju them. Më duket vetja edhe si adoleshent që marrin të tjerët vendimin e jetës për mua.

E dashura është aq e mirë sa thotë, ok s’ka gjë, mos ja prish prindërve.

Po unë s’kam ndër mend të ndahem se mami rri e mendon se çfarë thotë njerëzia.

Tani unë dua të fejohem, por nuk di si të bind prindërit që të vijnë t’i kërkojmë dorën…Çfarë më këshilloni?”, shkruan ai.

Leave a Reply

Your email address will not be published. Required fields are marked *