Edi Rama i kthen shpinën futbollit: Mendoj që nuk është koha për të ndihmuar klubet

Klubet e futbollit në Shqipëri nuk priten të ndihmohen nga shteti shqiptar.

Këtë e ka bërë të ditur i pari i Qeverisë së Shqipërisë, Edi Rama, përcjellë Gazeta Olle.

“Më vjen keq, por së pari paketa nuk do rishikohet, por do të zgjerohet. Është një paketë që bazën ka ata më në nevojë dhe do zgjerohet”, tha ai.

“Klubet e futbollit nuk kanë se çfarë i kërkojnë qeverisë dhe arkës së shtetit. Klubet e futbollit deklarojnë paga të rreme sikur janë kompani fasone. Klubet e futbollit le të shikojnë se çfarë bëjnë klubet e futbollit në vende të tjera dhe ti adaptohen kësaj lufte. Me gjithë respektin që kam për ta, por mendoj që nuk është koha për të ndihmuar klubet. Duke qenë se kanë deklaruar paga të rreme le të mos ankohen se nuk ka pikë lezeti”, shtoi ai.